越食越棧 (已結業)

日日忙忙碌碌，假期去下離島行下休息下，都係一件好事呢。是日與友人到了坪洲逛逛，在中環出發，到坪洲只不過是30分鐘左右的船程，十分快捷。坪洲相比南丫島或長洲，遊客較少，這也是我想去坪洲的其中一個原因啊。大街小巷，村屋地下就是一些士多、小店或是街市，相比市區，這裹既舒服也很懷舊。這裹冰室甚多，以港式為主，山長水遠黎到，試特別少少啦，我們選擇了一間越式的餐廳午膳。可能食店主要做街坊生意，店員故住同食客吹水，等了一排先幫我們落單，感覺不是咁好喎。我們點了2樣食物1. 越式火車頭這個火車頭份量很多，足夠2個人份量，而且食材豐富，湯底有啖啖的胡椒味，很香很濃，其它食材有牛丸、牛肉片、牛拍葉，還有一隻雞蛋，而河粉份量也很多，可能我們食得慢的關係，感覺河粉越食越多吧^^。2. 越式小食拼盤小食拼盤有4款小食，個人最喜歡它的炸春卷，外脆餡料又多。而雞翼外皮煎到乾身的，但雞肉尚算嫩滑，都好味。蝦片上有檬粉及豬肉，兩種不同口感食材一齊食，感覺很特別。但有樣野真係想不通的，其實小食拼盤都是2人份量的，何解蝦片只得一份呢？這餐午餐價錢不算貴啊，而且食物質素又好，得閒去離島行下、Hea下，都係一件好事吧！