北海道爐端燒 (已結業)

經過尖沙咀發現有間美食就係北海道爐端燒。 美食當然要向上望一望先會見到，呢間食肆係喺樓上㗎!!!一坐低二話不說就立刻叫咗一客海膽， 每一啖海膽都好新鮮，咀嚼完之後，口腔都仍然有海膽味。小弟係一名「食肉獸」當然唔少得要一客安格斯牛扒， 佢哋嘅安格斯牛扒七成熟，唔會太韌， 加上佢嘅秘製汁令到呢塊牛扒在昇華另一個層次。去到日本餐廳當然要試下佢哋嘅壽司盛合啦， 呢一個壽司盛合包保大家唔會失望而回， 而且嚿嚿有驚喜， 每一嚿壽司都好新鮮同埋十分肥美。另外叫咗鵪鶉蛋作小食， 千祈唔好睇少鵪鶉蛋，呢個小食都可以成為主菜， 雖然賣相唔係太好睇，但係佢嘅味道拍得上主菜。大家經過尖沙咀又想起日本美食嘅話不妨考慮北海道爐端燒。