Burgerman (埃華街) (已結業)

速食一般漢堡去朗豪坊睇戲前就喺附近搵嘢食，見呢間漢堡都幾多好評，就去食下，睇下係咪真係好食。去到人哋收10點，都唔俾我哋坐低食，所以就嗌左外賣。我哋分別叫咗1號餐至尊漢堡，配薯條同雪碧及8號包芝士漢堡。可能即刻煮嘅關係都等左成15分鐘先至有。至尊漢堡至尊漢堡有兩層牛肉、兩塊芝士、煎蛋、蕃茄、菜，餐牌上面寫有煙肉，唔知係咪外賣嘅關係，唔覺有煙肉夾喺度⋯⋯個味係唔錯嘅，但牛肉就一般，感覺熟得滯，冇乜牛汁有啲乾身，個牛同麥記安格斯牛堡差唔多⋯⋯芝士漢堡芝士漢堡有一層牛肉、芝士、蕃茄同菜。可能都係外賣嘅關係，吾算十分好味，包皮好一般，牛肉熟得濟，好一般。係個芝士叫ok，溶晒落牛肉度，叫做令到個漢堡好食啲。不過都有好嘅就係，即叫即整，所以兩個漢堡都係熱辣辣嘅。咁嘅質素同價錢未必會再食，去麥當勞食幾份安格斯漢堡仲好。