Maison Meiji (已結業)

幾位長輩要求XO仔陪同午膳，一試公司附近新新地嘅「Maison Meiji」。店子位於四層高嘅二級歷史建築M7內，據悉，原設計嘅法窗、露台、欄杆等不能任意拆除。一樓餐廳亦不能改動室內嘅特色磚牆及間隔。不過為配合個半日式料理主題，一入門口就見到兩組和風榻榻米散座，優雅得黎空間感好充沛。雲石餐桌擺有自用嘅餐具，不過就有少少黐立立。中、日、英對照嘅兩頁餐牌簡單易明。面對住問題公公蕃薯Uncle，服務生都顯得好有耐性，講解午餐份量應只夠一個人食，不過如果客人有要求都可以叫幾客黎分。居酒屋午市套餐均包有湯同沙律。是日暖暖嘅南瓜忌廉湯柔滑甜濃。沙律亦好清爽。吉列豬排蛋包飯（$218）：人氣之選熱力十足，金黃亮麗嘅蛋包飯軟滑非常，蛋香芬芳，當中嘅炸豬扒皮脆肉鬆爽，配上秘汁成功增添甜潤。銀鱈魚西京燒蔬菜可樂餅（$268）：姨媽話個銀鱈魚煎得夠香口，魚肉都好嫩滑。串燒定食（$248）：定食包咗六款串燒，另加一舊飯團、漬物及麵豉湯。可能係因為一次過上哂啦，啲串燒唔係咁夠熱，尤其係牛脷同豬肋條食落會變得特別油同硬咗。「廚師精選」和牛牛肉漢堡之雜菇照燒汁漢堡扒（$188）：多款主菜中，個人最欣賞鬆嫩帶微微脆嘅