影片
更多
2019-10-02
103 瀏覽
約咗朋友係尖沙咀交收少少嘢，食完重要去見客，但經過牛繁（東京人氣燒肉店）突然好想食燒肉😂決定嚟挑戰速食燒肉... 因為岩岩過咗lunch hour ，所以唔洗等位，一入去就嗅到燒肉香🤤但無油煙味👍睇嚟抽氣系統做得好好，抵讚❤️ 午市套餐大約$128,有晒前菜、沙律、飯同凍飲，我自己覺得幾抵食。 我哋叫咗木履骨間牛肋肉 同 元氣牛五花，配薯蓉沙律及大崎蟹柳沙律，飲品叫咗檸檬茶同蜜桃梳打。 薯蓉沙律 酸味調配得好好，好開胃，加咗紅蘿白絲入去，好清新👍 等食期間見到牆上貼心服務，竟然有除味劑，漱口水、圍裙等等可以提供，啱晒我呢d上班族! 前菜同肉好快就上枱啦😆午市定食類嚟講，肉嘅份量都算夠👍同行男友人都話份量夠食 估唔到嘅係，燒烤爐好猛火，一放肉落去，熟得超快😮😮😮完全合晒我速食嘅心態。 木履骨間牛肋肉，肉味濃，唔會太肥，感覺比較健康。 元氣牛五花，肉比較厚，一燒落去就嗅到油花香味😍流晒口水，口感好有層次，油花入口溶化嘅感覺好正❤️ 食完正餐，😈想食埋雪糕，加$10抵食😆牛乳3. 6 味 ，奶味濃，正❤️我嘅士多啤梨味就無咩特別，無過甜問題 整體嚟講超超滿意我呢個速食燒
因為岩岩過咗lunch hour ，所以唔洗等位，一入去就嗅到燒肉香🤤但無油煙味👍睇嚟抽氣系統做得好好，抵讚❤️
午市套餐大約$128,有晒前菜、沙律、飯同凍飲，我自己覺得幾抵食。
我哋叫咗木履骨間牛肋肉 同 元氣牛五花，配薯蓉沙律及大崎蟹柳沙律，飲品叫咗檸檬茶同蜜桃梳打。
薯蓉沙律 酸味調配得好好，好開胃，加咗紅蘿白絲入去，好清新👍
等食期間見到牆上貼心服務，竟然有除味劑，漱口水、圍裙等等可以提供，啱晒我呢d上班族!
前菜同肉好快就上枱啦😆午市定食類嚟講，肉嘅份量都算夠👍同行男友人都話份量夠食
估唔到嘅係，燒烤爐好猛火，一放肉落去，熟得超快😮😮😮完全合晒我速食嘅心態。
木履骨間牛肋肉，肉味濃，唔會太肥，感覺比較健康。
元氣牛五花，肉比較厚，一燒落去就嗅到油花香味😍流晒口水，口感好有層次，油花入口溶化嘅感覺好正❤️
食完正餐，😈想食埋雪糕，加$10抵食😆
牛乳3. 6 味 ，奶味濃，正❤️我嘅士多啤梨味就無咩特別，無過甜問題
整體嚟講超超滿意我呢個速食燒肉決定，成餐只係用咗35分鐘🤣同埋呢餐好好味👍
張貼
