樂園魚旦專家 (淘大商場1期)

營業中

休息中

收工趕住返企湊小朋友，就唸住係樓下買碗雲吞魚蛋河外賣返去快食，落完單，5分鐘就拎得，好有效率，外賣份量都唔少，有3粒大雲吞同3粒大白魚蛋。雲吞皮好薄，好滑，入面有原隻新鮮大蝦同少少豬肉做內餡，食得出蝦既鮮味同肉質爽口，豬肉碎切得好細緻，每一啖都好豐富多汁，而白魚蛋就非常彈牙，有到淡淡既魚香味，配合清湯更加帶出魚既鮮甜，河粉係比較幼身，但份量好多，一個人份量黎講算好大方，另外會送一包自家制辣椒油，我落左少少，好夠辣，令到碗湯粉又多一種層次既享受，以47蚊黎講，我覺得好抵食，又夠飽，認真唔錯👍。