熨烤達人 (已結業)

約了男友到旺角行街，順便試下新開的韓國烤肉，因為見佢好搞笑用熨板壓著肉黎燒，男友又勁愛烤肉，所以就黎試下。入到店內，有少少嚇親因為成地都係水，好似街市地下咁。不過，其他陳設、裝修都好似韓國烤肉店。佢真係用熨斗壓肉燒紫菜卷-飯有點硬，味道尚可。叫左極尚牛舌條、厚切五花腩、無骨雞翼同霜降雪花牛。所有肉都無醃過，單純靠沾醬汁才有味。而且無骨雞翼說是無骨，但只是一隻雞翼剪開變兩條骨，其實應該叫單骨雞翼吧～我地再叫多個泡沫咖啡烤雞，味道幾好味，咖啡、忌廉同紫薯蓉，但炸雞唔熱，扣左少少分。我地叫左個Lychee Cider，味道幾好飲～