Asok Thai Cake

營業中

休息中

朋友生日又唔知買咩生日蛋糕好，點知今日經過中環見到呢間賣泰國蛋糕嘅舖頭，見到佢有個榴槤蛋糕10分吸睛，所以就過嚟睇，因為朋友唔食榴槤，所以我哋就揀咗呢個芒果慕絲麻糬蛋糕。蛋糕尺寸有幾個，有四吋，六吋及迷你裝，我哋就揀咗四吋。芒果味道酸酸甜甜，10分開胃，中間有一層芒果醬，味道10分濃郁，仲有層麻糬，麻糬煙靭可口，蛋糕慕絲部份唔算好甜，質地幾幼滑，蛋糕上面有幾粒芒果粒，芒果粒10分香甜。另外舖頭仲有手工曲奇和其他造型蛋糕，下次一定要試吓。