影片
更多
2022-06-03
579 瀏覽
講左咁耐今次終於有機會試下frites嘅任食青口啦😉 Frites每逢星期一都會有一個$255任食青口嘅優惠。依個優惠係任食六款口味嘅青口配一塊酸麵包同一袋薯條。青口嘅六款口味包括招牌忌廉、白酒、喇沙、地中海風味、番茄、Hoegaarden~青口大大隻，鮮嫩多汁，配忌廉或者白酒一向都係好夾嘅配搭~ 忌廉汁就正常發揮啦，如果再creamy啲濃郁啲會仲正喇沙有驚喜，味道香濃帶點辣十分開胃，同青口幾夾。所謂嘅地中海風味就係辣肉腸配辣椒、洋蔥、芫荽等等嘅醬汁，幾惹味😋 辣肉腸又可以令到成件事口感更豐富。番茄汁嘅味道係偏甜，完全唔會酸，值得一試！Hoegaarden相比之下就較為遜色，啤酒味唔明顯味道比較淡，如果驚試唔哂六隻口味嘅朋友仔可以試左其他味道先，Hoegaarden可以放到較後先考慮另外值得一讚嘅係配角薯條，完全做到外脆內軟，薯仔味又夠，沾埋蛋黃醬冇得輸！最抵死係我哋發現咗個秘密🤫 就係啲青口越食越肥美，我哋有理由懷疑佢哋一開始係會將唔太靚嘅青口比客人先🤓點解我哋會知？因為我哋每人食咗4大盤，有對比囉😂食咗咁多應該短期內都唔會再食mussel住😮💨😂
青口嘅六款口味包括招牌忌廉、白酒、喇沙、地中海風味、番茄、Hoegaarden~
青口大大隻，鮮嫩多汁，配忌廉或者白酒一向都係好夾嘅配搭~ 忌廉汁就正常發揮啦，如果再creamy啲濃郁啲會仲正
喇沙有驚喜，味道香濃帶點辣十分開胃，同青口幾夾。
所謂嘅地中海風味就係辣肉腸配辣椒、洋蔥、芫荽等等嘅醬汁，幾惹味😋 辣肉腸又可以令到成件事口感更豐富。
番茄汁嘅味道係偏甜，完全唔會酸，值得一試！
Hoegaarden相比之下就較為遜色，啤酒味唔明顯味道比較淡，如果驚試唔哂六隻口味嘅朋友仔可以試左其他味道先，Hoegaarden可以放到較後先考慮
另外值得一讚嘅係配角薯條，完全做到外脆內軟，薯仔味又夠，沾埋蛋黃醬冇得輸！
最抵死係我哋發現咗個秘密🤫 就係啲青口越食越肥美，我哋有理由懷疑佢哋一開始係會將唔太靚嘅青口比客人先🤓點解我哋會知？因為我哋每人食咗4大盤，有對比囉😂
食咗咁多應該短期內都唔會再食mussel住😮💨😂
張貼
