串燒燒烤專門店 (已結業)

有個台灣朋友黎香港,諗黎諗去都唔知食咩好,咁啱行過見到呢間串燒舖見涼涼地,呢期好鐘意飲啤酒,食日式串燒啦~又可以飲野又可以食嘢又可以傾計就行入去試下啦~店舖裝修好特別,仲要有室外又有室內,想坐得RELAX D所以都係揀左OUTDOOR啦~串燒都有好多選擇~仲有唔少係特別嘅串燒平時我都好鐘意食串燒,所以今次可以揀特別D嘅俾台灣朋友試試其實雞翼果D都穩陣嘅~剩係講D比較特別嘅~海鹽燒巴西厚切牛舌 :呢個牛舌質地同平時果D唔同,唔知係咪巴西D牛食嘅草唔一樣嘅呢?不過好好味喎燒汁八爪魚棒 –鮮味得黎又唔乾身~OK醬燒宮崎黑豚肉-其實我都唔係好食豬不過台灣人就唔知點解好鐘意食豬,但係呢個豬好滑唔鞋,食落唔臭(我唔點食豬係因為好多時豬肉都會臭臭地XD),而且D油浪下浪下好香~下次可以N哥醬燒鱔球-其實我平時都好海鮮,所以對海鮮都有一定嘅要求,佢燒得唔乾身仲要有汁都唔意外,因為之前幾道菜已經知道師傅有返咁上下功力,不過佢仲要脆果下先好嘢~勁~好味嘅串燒加啤酒真係一絕!好彩無係台灣朋友面前失禮香港JE,呢間嘢真係好味~坐得又舒服~雖然貴左D不過好味嘅嘢係值嘅~下次一定要再黎!