掌壽司 (已結業)

琴日放工約咗同事去食晚飯，最後決定食日本野，就上網搵左呢一間觀塘工業區上樓日式餐廳。門面唔算特別,掛咗個手掌印燈罩喺度,入到去人有三急去個廁所,但係見唔到有洗手間,原來個洗手間收埋係李小龍嘅公仔後邊，咁就等我會一會佢！😂環境有日式加現代嘅風格，幾fusion.首先我哋叫咗一個全條蓮子鯛二食刺身加壽司＄398。價錢係有啲貴，但想試好耐。因為刺身都係每日喺日本新鮮運來，所以肉質好新鮮結實，特別鍾意佢個壽司，連埋皮食更有咬口，本人鍾意用咬口嘅感覺。另外佢仲將魚肉剁碎加入蔥，俾你加埋紫菜同埋有個酸蘿蔔汁俾你點嚟食，好開胃好新鮮。佢擺咗啲金箔係啲魚肉上面感覺更加矜貴。之後再叫左三件吞拿魚壽司同一件鰻魚壽司。我就試咗最左手面粉紅色嘅大拖羅，即係最肥美嗰一部份，真係入口即溶，魚肉好新鮮細滑。中拖羅就係中間個個，油花較少，最右手面就係食開嘅赤拖羅，油分最少。同埋我試咗個鰻魚壽司，睇落好似好乾，但其實係就非常多肉汁，做得好好食，你火槍輕輕燒更香口，而且鰻魚好有質感。食到有啲口渴就叫咗一杯日本哈密瓜奶昔來飲。奶昔裏面充滿着哈密瓜肉同埋鮮奶，非常知足料，冇咩點加水喺裏面，口感一流，甜到剛剛好，蜜瓜非常之甜，