居食屋「和民」 (已結業)

朝早喺附近做完運動想揾嘢食，記得附近有間和民，就行咗去食個晏。我都知和民間間尐水準都唔同，但點都估唔到中環哩間係特別差。叫咗個蕎麥麵定食，其實味道就一般，其就其在食食下發現個汁中間有塊膠，再睇真尐原來係將包裝袋個角畀埋我食，係咪驚尐汁唔夠入味呀，嗰個包裝喺佢地個厨房都唔知掂過幾多嘢，個汁我重點咗幾次，真係令人作嘔。之後有叫個經理嚟換返畀我，不過有鬼用咩，唔食都食咗。和民尐伙計係特別寸嘴，叫落單就話等陣先，再叫佢就話「乜你重未落咩？」我尐嘢未食完又就搶走我尐嘢，噉嘅服務學人收加一，會唔會太過份呀？！