南翔饅頭店 (已結業)

首先要一讚這店有個保長叔叔超貼心，昨天我同朋友被安排坐到卡位，我將手袋放到開邊位置，保長叔叔立刻以親切態度提醒我手袋要放埋邊，到我地order食物，佢又主動推介我地當日有指定半價野食，整餐飯一直表現親切，直到我地埋單，佢都主動同我地道別，令我地對呢餐飯加左好多分，身為一個普通食客，能夠感到受尊重，今餐真係食得好開心，感到好窩心 原來人情味不只在小店才找到架！食物方面，我地點左一份星期四半價優惠既榨菜肉末叉子 $39榨菜肉末很惹味，叉子是指這種烤得香脆既餅皮，把肉末釀進去後品嚐，好味！鮮肉小龍包 $42皮也算薄，有靭性，肉味鮮，多湯，千萬要小心燙咀上海炒年糕 $68年糕煙靭有嚼勁，味道很好，最讚是不油膩~~