稻香 (青衣城1)

營業中

休息中

上星期放假同左屋企人去左青衣城稻香飲茶，只能夠說一句，大野連鎖品牌，無論係商店定係食肆，九成八都係冇好野。 飲茶都係不外乎果幾樣野架喇，叫左D糯米雞、牛腩蘿白、蘿白糕、豬潤粥同埋個蒸餃子咁。唯一可以話係做得比較正常小小既就只有個雞粥同埋糯米雞，雞粥D雞唔太差但無咩味，隻糯米雞D料都算幾足，不過就有小小唔夠熱。 至於其他野食只可以用垃圾兩個字去形容，首先個牛腩蘿白整得好肥膩之餘又唔入味，只係食得出D肥油味。蘿白糕一D都唔香口，而且太粉，食落口就好似擺左一PAT唔知咩落口咁好奇怪。個餃子就更加唔洗講，個餃子貨源同你係百佳買果D質素差唔多，個皮厚過D韓星個妝都算，個餡又乾又冇味，而且同個皮完全分開，感覺就好似食緊兩樣野咁。講真，呢間野我真係唔想有下一次，不過如果要同屋企人飲茶都係冇法子架喇。