影片
更多
2024-06-26
4058 瀏覽
蟹！蟹！蟹！🦀 今日嘅螃蟹，你想食嘅螃蟹♪♫*•♪想喪食海鮮就當然要去buffet食餐飽啦🫶尖沙咀凱悅酒店Hyatt Regency嘅自助餐每日都有唔同主題最吸引我係逢星期五晚嘅「滋味蟹饌」一次過食盡鱈場蟹、皇帝蟹及以多款時令蟹製作嘅菜式而星期六日就係海鮮盛宴主題，同樣深受海鮮愛好者歡迎我就心血來潮想擦蟹，所以揀咗星期五晚放工去食～星期五晚來到都全場滿座🤯 建議可以預先免費加入凱悅天地會員即日起到30/6提早訂座並付全數即享65折🤙KKday同Klook間唔中都有買二送二快閃優惠Hyatt嘅自助餐都係唔會分兩輪，呢間亦都唔例外由夜晚6:00一路直落食到10:00😎🦀 滋味蟹饌 Crab Feast 🦀 (成人$888 / 小童$438)✦ 重點蟹菜式∗ 冰鎮鱈場蟹腳及多款時令蟹∗ 燒皇帝蟹腳∗ 芝士車輪蟹肉意大利飯∗ 印式蟹肉餅∗ 炸軟殼蟹 每枱都會獲派燒皇帝蟹腳，唔洗自己出去拎燒過嘅蟹肉香氣四溢，依然保留到水份，而且多一份焦香有附上檸檬襯托鮮味🍋 我就鐘意唔加檸檬汁原汁原味咁食冰鎮鱈場蟹腳蟹肉白嫩飽滿，比燒蟹腳更甜美多汁蟹腳refill次數都算多，反而時令蟹就真係要捕住芝士車輪蟹肉意
想喪食海鮮就當然要去buffet食餐飽啦🫶
尖沙咀凱悅酒店Hyatt Regency嘅自助餐每日都有唔同主題
最吸引我係逢星期五晚嘅「滋味蟹饌」
一次過食盡鱈場蟹、皇帝蟹及以多款時令蟹製作嘅菜式
而星期六日就係海鮮盛宴主題，同樣深受海鮮愛好者歡迎
我就心血來潮想擦蟹，所以揀咗星期五晚放工去食～星期五晚來到都全場滿座🤯
建議可以預先免費加入凱悅天地會員
即日起到30/6提早訂座並付全數即享65折🤙
KKday同Klook間唔中都有買二送二快閃優惠
Hyatt嘅自助餐都係唔會分兩輪，呢間亦都唔例外
由夜晚6:00一路直落食到10:00😎
🦀 滋味蟹饌 Crab Feast 🦀 (成人$888 / 小童$438)
✦ 重點蟹菜式
∗ 冰鎮鱈場蟹腳及多款時令蟹
∗ 燒皇帝蟹腳
∗ 芝士車輪蟹肉意大利飯
∗ 印式蟹肉餅
∗ 炸軟殼蟹
每枱都會獲派燒皇帝蟹腳，唔洗自己出去拎燒過嘅蟹肉香氣四溢，依然保留到水份，而且多一份焦香
有附上檸檬襯托鮮味🍋 我就鐘意唔加檸檬汁原汁原味咁食
冰鎮鱈場蟹腳蟹肉白嫩飽滿，比燒蟹腳更甜美多汁蟹腳refill次數都算多，反而時令蟹就真係要捕住
芝士車輪蟹肉意大利飯係即叫即製將熱騰騰蟹肉Risotto放上巨型Cheese wheel撈勻
Risotto有咬口，芝士味澎湃好creamy！
又唔覺太膩或太鹹🧀
炸軟殼蟹係新鮮炸起，炸漿金黃香脆
印式蟹肉餅細細件一口size，濃味香口，外脆內綿✦ 海鮮區
除咗有鱈場蟹腳、時令蟹亦有越南凍海蝦、新西蘭青口、沙白蜆同加拿大海螺，每款都夠新鮮同夠大隻👌
另外唔可以錯過招牌即烚可持續發展美國波士頓龍蝦🦞係喺印度美饌區域排隊拎，一夠鐘就超多人衝去排隊
龍蝦係新鮮生猛即烚，龍蝦肉彈牙鮮美豐富海水味，食到龍蝦最原本嘅鮮甜味
鮮甜度有超過當晚嘅鱈場蟹&皇帝蟹呢😚
有泰式辣醬同四川麻辣汁蘸點
✦ 熱葷
菜式多元化，有中西日印式美食，包羅萬有有燒有骨肉眼、燒味、即炸天婦羅、蒸沙巴龍躉
上湯龍蝦鉗、豬腳薑、印式雞肉串燒、蕃茄湯等
即叫即製嘅有火焰香煎虎蝦、蟹肉意大利飯及湯麵
煎虎蝦好似睇表演咁，烹調時候火光熊熊，香氣逼人必食嘅仲有蟲草花螺頭燉雞湯
我都飲咗兩碗🫢 真係超水準，足料又清甜👍✦ 沙律及冷盤
有3款Cold cuts及數款芝士Cold cuts配哈密瓜就啱晒，亦可配搭酸青瓜
特別一提佢哋有提供Gluten Free麵包去配芝士食㗎～
凍海鮮區隔離仲擺放咗花雕醉雞翼及涼拌雲耳醉雞翼好入味，酒香撲鼻
沙律吧配料選擇都唔少，亦有現成撈好嘅沙律可以揀
有貝殼粉沙律同紅菜頭羊奶芝士沙律，正呀！
✦ 壽司及刺身
刺身櫃有帶子刺身、吞拿魚、三文魚、希靈魚等等亦有數款壽司、卷物、日式豆腐、中華沙律
質素都唔錯，不過受歡迎程度就唔及海鮮區喇
✦ 甜品
甜品非常豐富，例如麵包布甸、雲呢拿拿破崙及多款蛋糕連豆腐花、芒果糯米飯都有得食，真係少見
我最推薦Tiramisu，Hyatt出品嘅Tiramisu一向高質Mascarpone綿密順滑，奶香同咖啡香都好濃☕ 食咗4杯
榛子朱古力千層酥亦都唔錯，酥皮鬆脆，堅果香濃郁
仲有自製窩夫，可配各種配料同Häagen-Dazs雪糕🍨
當晚一路都會refill唔同款式嘅甜品
另外都有新鮮切件水果、細件甜品、曲奇、啫喱可以拎✎ 每位客人係包餐飲一杯
職員會上前問你想飲咩
有檸茶、檸水、檸蜜、咖啡等
我叫咗熱檸茶，壺茶超級大壺，好慷慨🤣
張貼
