Rain Restaurant & Bar (已結業)

星期六要返工，連下晝都要返去開會，所以少有地留返係中環食lunch。同事話不如食豪少少，所以過左去蘭桂坊「搵食」。上到黎，成間餐廳靜英英，可能因為中環打工仔星期六都唔係好想留返係度食lunch卦(自己都係其中一份子)。最後我叫左肉眼扒，同事就食羊扒(食肉獸一族)。件牛扒好大塊，見到已經好滿足，食落亦ok。同事份羊都唔錯，有羊味，食落好香口。最估唔到既係埋單時無端端有八五折，原來佢地做緊promo，星期六有discount。望下張單，摸下個肚，星期六下晝仲要返公司開會既壞心情輕微減少左。