우리 (已結業)

週六12點，同老婆去試呢間Cafe。我哋都有食早餐，所以就打算食得簡單少少。電子餐牌上面見到，呢間嘅All day breakfast竟然係主打韓式，幾特別。如果唔係食左早餐，都會想試下。最後叫左一客無花果雞肉沙律同埋卡邦尼水波蛋扁意粉。沙律幾有驚喜，無花果好新鮮，黑醋沙律醬少少偏甜，同菜、雞肉好夾。意粉都唔錯，可惜黑椒多左少少，唔食辣嘅老婆表示佢搞唔掂，變相又益埋我份量都Ok，下次有機會會試埋佢哋嘅韓式all day。