La Piazza (已搬遷) 新店位置

坑口村都算有好多非連鎖式嘅餐廳，各國菜式都有，大部分都係食完一次又一次，而我哋都唔係第一次幫親La Piazza。上一次有試青口，不過我哋今次星期三先去，青口就售罄，老闆話一般青口會週末來貨，一係星期初食，一係早啲留貨。我哋點咗一個dinner 加個Lasagna，面包（蒜蓉包）同沙津都係無驚喜，似一樣西餐廳前菜而非意大利式，但係份量唔少，如果唔係好肚餓可以留肚俾主菜。而主菜係魚柳加鵝肝，一般鵝肝都係加一塊，不過老闆話一塊太細，加多咗一塊俾我哋，而魚柳有點兒太油膩。反而Lasagna好有驚喜，上台嘅時候感覺好稀 ，有啲似蕃茄羅宋湯，食落好有芝士香同口感，值得一試！Cream Brûlée 就係試完再試，如果再去都會再食。