沙嗲軒 (香港黃金海岸酒店)

營業中

休息中

之前為慶祝週年紀念，就book咗黃金海岸住一晚，所以就book咗哩間餐廳。 入到去環境都ok，唔好迫，我地兩人但比咗4人枱我地，點咗沙嗲串燒，炒金邊粉，柚子大蝦沙律，同胡椒炒蟹，仲有椰青。首先沙律送上，d柚子好甜，甜得嚟帶少少酸好開胃，好少食到咁好食嘅柚子沙律，蝦都好新鮮，好好味。之後就串燒，串燒ok，個沙嗲醬好味，有花生粒，好香又唔會太辣，好惹味。炒金邊粉都可以，唔會太油，有鑊氣。最後主角胡椒蟹，真係好好味，d胡椒好香，但唔好太辣，鹹味啱啱好，唔好搶咗蟹嘅鮮味，蟹好新鮮，好甜，蟹走過油，但唔會太乾，好juicy,d 胡椒撈飯一流，全餐飯都好滿足，雖然蟹有d貴，但都值得。