露台餐廳

營業中

休息中

預約了餐廳慶祝結婚週年紀念，成個場包括食物區唔算大，人少少反而感覺好舒服，柔和燈光成功營做到浪漫，黎得半島根本唔需要擔心舒適感不足，入座後已留意到，全部侍應嘅禮貌同反應都系非常專業，由其一位身形嬌小嘅waitress身手都系非常迅速，令人留下深刻印象，用餐後要讚嘅反而系個pizza，賣相同味道都系一流，而家諗起都流口水，燒牛肉合格，羊排帶有應有嘅羊酥味，黑毛豬就普通，椰汁雞湯覺得酸味太重，另一款南瓜湯就無試，凍海鮮方面個龍蝦肉質鮮甜唔un，無生蠔供應，刺身帶子屬正常水準 ，象拔蚌略嫌un左d，攞左碗生生肉河，賣相好，不過食落始終唔系果種越南感覺，甜品唔需要太辛苦去選，款款都靚又細細舊，全部試哂都無問題，食到尾聲再嘆杯Earl Grey，總括黎講，覺得缺少左d炸物，如果可以有炸蠔或者提供埋燉湯就更理想。