影片
更多
2023-11-16
657 瀏覽
今年有幸受邀出席週年舞會，第一次參加馬會會所宴會。地點果然隔涉，要駕車或者的士先到達，環境寧靜，私隱度高。當晚大排延開十席，現場服務職員數量足夠，唔會出現嘉賓求助無門情況。而且職員態度相當好，令大家都滿意。「席珍」食物方面 - 精美拼盤︰百花乳豬蝦多士 - 爽口彈牙嘅蝦膠假扮成乳豬肉疊在底層，再利用豬皮包頂。整件經過輕炸卻唔油膩，口感與味覺都有驚喜。脆鱔 - 幾條相對幼細鱔條，感覺有點零落。菊蜜鮮淮山 - 香甜杞子襯托清淡淮山粒，淮山粒潺滑粉軟，沾滿幽香菊蜜，健康清爽。三文魚籽野菜百頁卷 - 外層用百頁腐皮包裹爽口菜絲，單調味道卻能重點帶出三文魚籽濃鮮味。腿蓉椒醬大蝦皇︰拌碟西蘭花平衡濃郁腿蓉椒醬嘅油膩。完隻蝦身體積好似碟咁大，頭部佔一半，內藏新鮮蝦膏。蝦身肉多且肥美，爽口彈牙。舞茸無花果瑤柱燉花膠︰湯底應該無加味精，只用乾貨食材原身咸味調味。舞茸菇將其他食材精華全吸收，香濃咸鮮；清甜無花果用以平衡咸度，亦將鮮味昇華；完整一片花膠，雖然品質唔算高級，但表現絕不欺場。蠔皇花菇扣原隻鮑魚︰鮮花菇香味濃郁，烹煮時間足以吸收大量蠔皇汁，水份十足。原隻鮑魚清爽彈牙，唔會因過火而變得煙韌。豆酥蒸老
地點果然隔涉，要駕車或者的士先到達，環境寧靜，私隱度高。
當晚大排延開十席，現場服務職員數量足夠，唔會出現嘉賓求助無門情況。而且職員態度相當好，令大家都滿意。
「席珍」食物方面 - 精美拼盤︰
百花乳豬蝦多士 - 爽口彈牙嘅蝦膠假扮成乳豬肉疊在底層，再利用豬皮包頂。整件經過輕炸卻唔油膩，口感與味覺都有驚喜。
脆鱔 - 幾條相對幼細鱔條，感覺有點零落。
菊蜜鮮淮山 - 香甜杞子襯托清淡淮山粒，淮山粒潺滑粉軟，沾滿幽香菊蜜，健康清爽。
三文魚籽野菜百頁卷 - 外層用百頁腐皮包裹爽口菜絲，單調味道卻能重點帶出三文魚籽濃鮮味。
精美拼盤
10 瀏覽
0 讚好
0 留言
拌碟西蘭花平衡濃郁腿蓉椒醬嘅油膩。
完隻蝦身體積好似碟咁大，頭部佔一半，內藏新鮮蝦膏。蝦身肉多且肥美，爽口彈牙。
腿蓉椒醬大蝦皇
4 瀏覽
0 讚好
0 留言
湯底應該無加味精，只用乾貨食材原身咸味調味。舞茸菇將其他食材精華全吸收，香濃咸鮮；
清甜無花果用以平衡咸度，亦將鮮味昇華；完整一片花膠，雖然品質唔算高級，但表現絕不欺場。
舞茸無花果瑤柱燉花膠
5 瀏覽
0 讚好
0 留言
鮮花菇香味濃郁，烹煮時間足以吸收大量蠔皇汁，水份十足。
原隻鮑魚清爽彈牙，唔會因過火而變得煙韌。
蠔皇花菇扣原隻鮑魚
4 瀏覽
0 讚好
0 留言
豆醬混合豉油香甜帶咸，味道清淡唔會蓋過魚鮮香。
魚肉蒸煮時間調節得好，肉質爽口嫩滑而且厚身，食得滿足。
豆酥蒸老虎班柳
23 瀏覽
0 讚好
0 留言
薄薄一層雞皮炸得脆口，配上蝦片有著食片皮鴨感覺，卻唔算油膩。
雞肉嫩滑，輕微雞油香令肉質保持水份。
當紅炸子雞
5 瀏覽
0 讚好
0 留言
兩隻雲吞皮薄餡靚，菜與肉餡料平均，唔肥膩。
竹昇麵軟硬度適中，用來當撈麵口感非常好，吸汁度高。
菜肉雲吞撈薑蔥竹昇麵
5 瀏覽
0 讚好
0 留言
場地佈置精緻、服務態度質素好、上菜速度快，而且味道卻不失禮。
整場晚宴的確令在場嘉賓都稱心滿意。
張貼
