藏 (已結業)

上星期日我同我老虎乸🐯4週年，因為中午book左red mr唱k，近近地樓下就有呢間日本嘢食完先去唱。話說我老虎乸🐯食嘢要求高，又成日食日本嘢，但佢食完都話勁滿意，覺得好值(好彩姐)。我點咗個餐有十件壽司同一件手卷，原來個玩法係廚師發板omakase，由廚師決定時令魚生，即場手握和調味，吃完一件先造一件，上菜次序由淡到濃，每件都算高級魚，其實360蚊真係抵食，仲包前菜甜品。包括北海道帆立貝、伊佐木、秋刀魚、深海池魚、金目鯛、鰤魚、海膽、右口魚群邊、拖羅手卷。而老虎乸🐯點左個龍蝦海膽丼，用嘅係活龍蝦、北海道馬糞海膽，賣相一流，啱哂佢呢d港女打卡𠱓like。成餐飯最過癮係同師傅嘅交流，佢會介紹返魚生嘅特點，好開心長知識，呢個就係omakase嘅精萃例如鰤魚其實係成年嘅油甘魚，油甘魚不同年紀有不同名。伊左木嘅魚皮火炙過後係好香，所以會連皮一齊做壽司。。。結論，食物環境服務衛生都高分，一定會再嚟，高度推薦。