BU Healthy Dining & Gathering (已結業)

周末放假最鍾意去飲下午茶嘆吓，今日又嚟到K11嘅BU皆因佢環境好坐得舒服。下午茶餐牌內有幾款漢堡同三文治選擇。由於無幾耐就要食晚飯所以都係揀個簡簡單單嘅三文治。餐牌中文寫 "燒三文魚鮮果三文治"，心諗有啲奇怪 - 燒三文魚加入三文治係點嘅呢？ 睇返英文原來係煙三文魚至啱，都叫嚟試吓啦。 三文治嚟到打個突，一塊麵包放喺底個面係沙律菜、幾粒橙肉、西柚肉同埋幾朵小小煙三文魚花，呢款開面三文治幾難handle😓餐飲熱咖啡味帶苦唔會酸正合我心意。 附上之鮮奶有打熱不會令咖啡温度降低，有誠意👍🏼