饗11 (已結業)

去完旅行✈️，約閨蜜送份手信🎁俾佢，佢約我嚟呢間餐廳，地點方便，而且星期日都有午市套餐，唔錯。餐廳空間感足，寧靜舒服。我點咗「蟹籽蟹肉牛油果蕃茄沙律 $148」及「雜錦魚生飯$288」，仲有75折優惠，正喎🤭。🥗蟹籽蟹肉牛油果蕃茄沙律賣相都幾靚，以牛油果🥑、青瓜🥒、蕃茄、蟹肉、蟹籽等做成蟹肉 Tartare，上邊係沙律菜及蟹籽和蟹肉🦀，口感豐富，而且健康美味，係我鍾意嘅味道。🐟雜錦魚生飯係典型嘅雜錦魚生，包括有拖羅、油甘魚、帶子、三文魚片、吞拿魚片、三文魚籽、蟹籽等全部都新鮮幾好味😋。閨蜜就點咗個LUNCH SET 「油封鴨髀$188」有沙律+餐湯+主菜+甜品。先嚟個廚師精選沙律🥗：沙律菜新鮮，配以油醋汁，簡單好味。🦞酥皮龍蝦湯+$68呢個湯非常之熱辣辣，整開酥皮，好像小玩意，龍蝦湯十分香濃，十分鮮味。🦆油封鴨髀：鴨皮有少少脆，鴨肉好juicy又好甘香，配以蔬菜🥔🥕🥬令整個主菜都好靚好健康。最後，嚟個香甜嘅藍莓芝士蛋糕🍰配以Cappuccino☕️，令這餐畫上甜美句號；我哋兩個慢慢食，慢慢傾偈講笑，幾乎食咗三粒鐘哈，這周日真係非常relax🌿。