咖啡弄 (已結業)

今日响銅鑼湾做完facial想tea一tea, 不過碰上百貨公司感謝祭加上外傭姐姐嘅例休，搞到成個銅鑼湾都佈满人😓假日想揾食尤其是想舒舒服服咁嘆番餐都唔係容易嘅事。諗来諗去都唔知去邊間好，等紅綠燈之祭抬頭一望見倒<咖啡弄>即刻叮一叮😁，因為<咖啡弄>係台湾名物，登陸香港之初係出晒名嘅長龍餐廳，對於我呢d超無耐性嘅人来講，紧係唯有放棄啦😏今日有緣遇上又居然唔洗排隊，當然就不作它想了。<咖啡弄>我响台湾試過，佢嘅waffle真係超好味😋不過我今日想食咸野，所以就order左'玉米里肌起司可頌' + 曼特寧咖啡👇，個croissant餡料好味但包就唔够脆口，杯咖啡等左半個鐘以上至到添，雖然落单嗰陣waitress有提話手工咖啡會耐少少，不過都無諗過係要整咁耐咯，而且杯咖啡亦只係中规中矩。但係不得不讚就係佢地嘅service, 唔知係咪台湾式管理嘅原因, d侍應都好有禮貌同親切，剩係服務態度呢點我都一定合再回頭，希望下次可以試倒咖喱黑豚🐷三文冶啦！