影片
更多
2015-03-27
905 瀏覽
懶洋洋既星期日訓到日上三竿，起身諗住去食個下午茶，但係已經食厭咗淘大同九龍灣D連鎖式餐廳，終於就同男友去牛頭角既懷舊茶餐廳祥榮一試﹗搭車經過咁多次都未食過，終於有機會試喇﹗亦都係因為呢一次既體驗太好，所以接著果個星期日我地又黎食晏，祥榮簡直變咗做我地既週日食堂﹗下午茶menu有個焗飯系列，男友一睇二話不說就揀咗his favourite – 焗豬扒飯+凍奶荼，咁我就揀焗雞扒飯+凍檸茶。野飲一黎真係有D嚇親，大杯到呢…..就算平時出面既茶餐廳正價叫都唔會咁大杯囉﹗男友仲大讚奶茶夠哂香滑﹗焗飯明顯有炒底，飯夠爽身，最驚食D淋bat bat既飯。兩款焗飯味道都好好，豬扒又唔會韌，下午茶黎講份量係好足，一定夠飽﹗之後個星期日我地再黎食晏，男友點咗沙爹乾炒叉燒烏冬，而我見到個常餐系列對眼就即刻發哂光。因為從來未見過一間茶餐廳既常餐係咁與別不同﹗我揀咗焗芝士免治牛肉意粉配蜜糖芝士腸+薯餅﹗Come on﹗竟然唔駛去老麥都食到薯餅，仲要過埋早餐時間﹗實在太amazing喇﹗薯餅夠哂大件同香脆，意粉比茄汁炒過先加埋免治牛肉肉醬同芝士焗，夠哂入味﹗男友就話個炒烏冬普通，我諗祥榮既焗飯 / 意粉系列係比較
懶洋洋既星期日訓到日上三竿，起身諗住去食個下午茶，但係已經食厭咗淘大同九龍灣D連鎖式餐廳，終於就同男友去牛頭角既懷舊茶餐廳祥榮一試﹗搭車經過咁多次都未食過，終於有機會試喇﹗亦都係因為呢一次既體驗太好，所以接著果個星期日我地又黎食晏，祥榮簡直變咗做我地既週日食堂﹗
下午茶menu有個焗飯系列，男友一睇二話不說就揀咗his favourite – 焗豬扒飯+凍奶荼，咁我就揀焗雞扒飯+凍檸茶。野飲一黎真係有D嚇親，大杯到呢…..就算平時出面既茶餐廳正價叫都唔會咁大杯囉﹗男友仲大讚奶茶夠哂香滑﹗
焗飯明顯有炒底，飯夠爽身，最驚食D淋bat bat既飯。兩款焗飯味道都好好，豬扒又唔會韌，下午茶黎講份量係好足，一定夠飽﹗
之後個星期日我地再黎食晏，男友點咗沙爹乾炒叉燒烏冬，而我見到個常餐系列對眼就即刻發哂光。因為從來未見過一間茶餐廳既常餐係咁與別不同﹗我揀咗焗芝士免治牛肉意粉配蜜糖芝士腸+薯餅﹗Come on﹗竟然唔駛去老麥都食到薯餅，仲要過埋早餐時間﹗實在太amazing喇﹗
薯餅夠哂大件同香脆，意粉比茄汁炒過先加埋免治牛肉肉醬同芝士焗，夠哂入味﹗男友就話個炒烏冬普通，我諗祥榮既焗飯 / 意粉系列係比較出色。其實仲有好多好多野食好想試，我諗個個星期日黎食都唔會厭﹗尤其想試佢地D包﹗好期待下個星期日呢~~~張貼
