影片
更多
2012-02-06
32 瀏覽
11月5日, 122週月快樂!難得週月係喺星期六, 當然plan下去邊度吃喝玩樂啦~ 是日陽光普照, 最好就係去郊遊, 決定咗入大澳~ 雖然係遠咗少少, 又搭車搭船, 不過一到達都覺得係值得嘅, 風景優美, 好有舊式鄉村感覺~ 當然第一時間去搵野食, 第一站就係嚟呢度食馳名嘅香妃卷~::: 香妃卷 ::: $20睇名真係唔知咩叫香妃卷, 叫得馳名點都唔似會失望卦~ 師傳仲會即叫即製, 非常新鮮熱辣! 先將蛋漿倒喺超大個熱辣辣嘅鐵板上面, 等佢煎到定型, 就加上唔同嘅材料, 包括大量嘅葱花、芝麻、菜甫~ 仲落埋好似食粥會有嗰d薄脆, 圍圈加上甜醬, 摺埋一齊就可以上枱~ 名副其實嘅中式crepe, 仲有d似鹹味糖蔥餅! 我地唔好芫茜可以叫佢走芫茜~ 味道以鹹為主, 但係甜醬又帶甜味, 芝麻蔥花又夠香, 菜甫味道少少辣又夠爽口, 仲要加埋薄脆嘅口感, 真係百感交雜! 啖啖都好豐富, 好煙韌好脆好爽好甜真係乜都有! ::: 黃金蝦 ::: $20除咗食香妃卷仲想食多樣小食, 每一樣都擺咗喺舖面俾我地揀, 多數都已經做好, 叫咗佢再翻炸~ 不過炸完嘅黃金蝦再翻炸都冇乜所謂, 因為都已經炸到皮都
難得週月係喺星期六, 當然plan下去邊度吃喝玩樂啦~ 是日陽光普照, 最好就係去郊遊, 決定咗入大澳~ 雖然係遠咗少少, 又搭車搭船, 不過一到達都覺得係值得嘅, 風景優美, 好有舊式鄉村感覺~ 當然第一時間去搵野食, 第一站就係嚟呢度食馳名嘅香妃卷~
::: 香妃卷 ::: $20
睇名真係唔知咩叫香妃卷, 叫得馳名點都唔似會失望卦~ 師傳仲會即叫即製, 非常新鮮熱辣! 先將蛋漿倒喺超大個熱辣辣嘅鐵板上面, 等佢煎到定型, 就加上唔同嘅材料, 包括大量嘅葱花、芝麻、菜甫~ 仲落埋好似食粥會有嗰d薄脆, 圍圈加上甜醬, 摺埋一齊就可以上枱~ 名副其實嘅中式crepe, 仲有d似鹹味糖蔥餅! 我地唔好芫茜可以叫佢走芫茜~ 味道以鹹為主, 但係甜醬又帶甜味, 芝麻蔥花又夠香, 菜甫味道少少辣又夠爽口, 仲要加埋薄脆嘅口感, 真係百感交雜! 啖啖都好豐富, 好煙韌好脆好爽好甜真係乜都有!
::: 黃金蝦 ::: $20
除咗食香妃卷仲想食多樣小食, 每一樣都擺咗喺舖面俾我地揀, 多數都已經做好, 叫咗佢再翻炸~ 不過炸完嘅黃金蝦再翻炸都冇乜所謂, 因為都已經炸到皮都燶晒, 唔會再講乜乜新鮮唔新鮮, 老細好好人送咗2隻蟹仔俾我地~ 黃金蝦有大細唔同size, 我地要咗細蝦~ d蝦炸到殼都脆埋, 可以連頭連尾一齊食, 鮮蝦味道炸到所餘無幾, 油味就一定好重, 好在裏面嘅蝦肉仲食到, 點埋泰式辣醬當d脆卜卜香口野配酒食一定一流! 炸蟹仔都一樣, 炸到脆晒都只係食到個脆口感, 其實食咗咩, 如果合埋眼食一定食唔出~
::: 紫貝天葵茶 ::: $5
呢個茶比喺出面街買會平d, 因為平均都要$6-$7~ 味道好似利賓立, 但係比較天然 同冇咁甜, 大澳特別野果然唔同d~
店舖好細, 都係老細一手一腳包辦廚房、落單、執野同收銀~ 不過佢都駕輕就熟, 完全冇難度~ 香妃卷絕對值得一試! 其他野就見仁見智~ 因為呢個係我地今日第一餐, 所以都想留住個肚去食其他野~
張貼
