影片
更多
2015-03-23
159 瀏覽
適逢去開維園睇完花展, 行完倦倦地, 但又想係港島區食埋晚飯先走, 老銅人太多吧! 所以我轉戰到中環, 就係我行行之際, 見到有個易拉架, 寫住印度咖哩, 友人更說不如今晚試下重口味curry啦! 本身食開清淡野既我, 對咖哩唔反感, 但特登去食既話就好少呢個機會, 最記得有次跟朋友一齊殺上重慶大廈食印度咖哩, 味道唔差架, 感覺硬係覺得好複雜咁> < 今晚中環呢到, 只係搭lift上去, 就見到, 唔駛俾一群人圍住哂, 有去過重慶大廈就會明白了呢到環境好有東南亞風味, 燈光都偏暗, 佢地仲播住D印度音樂, 仿如置身在印度小店似的牆身仲有畫有充滿印度待風的油畫添週末的中環, 少了日頭既繁囂, 多左一份寧靜的休閒感, 當晚我跟朋友七點多就入座, 暫時沒有其他客人, 感覺有如包場一樣, 店內有一名男待應既, 相信平日午餐應該人會多一點, 因見格局猜想lunch會有buffert男店員遞上餐牌後, 經翻閱後, 幸好是有中文對照及有圖片在內, 我地都係冇乜頭緒, 所以叫左個二人餐, 貪佢樣樣有D, 又唔駛愁點咩野食XDD 點菜是全程英文, 唔識講都唔緊要, 手指指個餐牌都會明既
本身食開清淡野既我, 對咖哩唔反感, 但特登去食既話就好少呢個機會, 最記得有次跟朋友一齊殺上重慶大廈食印度咖哩, 味道唔差架, 感覺硬係覺得好複雜咁> < 今晚中環呢到, 只係搭lift上去, 就見到, 唔駛俾一群人圍住哂, 有去過重慶大廈就會明白了
呢到環境好有東南亞風味, 燈光都偏暗, 佢地仲播住D印度音樂, 仿如置身在印度小店似的
牆身仲有畫有充滿印度待風的油畫添
週末的中環, 少了日頭既繁囂, 多左一份寧靜的休閒感, 當晚我跟朋友七點多就入座, 暫時沒有其他客人, 感覺有如包場一樣, 店內有一名男待應既, 相信平日午餐應該人會多一點, 因見格局猜想lunch會有buffert
男店員遞上餐牌後, 經翻閱後, 幸好是有中文對照及有圖片在內, 我地都係冇乜頭緒, 所以叫左個二人餐, 貪佢樣樣有D, 又唔駛愁點咩野食XDD 點菜是全程英文, 唔識講都唔緊要, 手指指個餐牌都會明既
當中有前菜, 雞, 魚, 咖哩, 飯, 烤餅, 飲品, 只索價$318, 以地段來算, 是合理之選吧!
先有個脆餅小吃, 多數食印度野都會有的, 烤得香脆, 另外仲有三款醬汁可沾來食
綠色(含香料偏重)那個是平常最常見到的, 另外深色的味道酸甜, 會令人開胃一點, 橙色是辣度最勁的, 怕辣人士要小心喔
Samosa & Pakora
42 瀏覽
0 讚好
0 留言
接著是用鐵板上的Chicken Tikaa無骨烤雞及Fish Tikka烤魚, 上檯時仲好大煙架~旁邊仲有大量蔬菜, 蕃茄, 青瓜, 青椒等, 可以平衡番食肉帶來的飽膩感, 先說無骨烤雞, 似乎有點過熟, 顯然肉質有點鞋, 但不辣的, 相反烤魚會比較辣, 魚肉仍保持到幼滑, 在口中慢慢品嚐到有多種香料炮製而成的, 比雞肉更好食!
椰菜花馬鈐薯, 呢個比烤魚再辣一點, 當中除左有椰菜花同馬鈐薯, 仲夾雜住蕃茄粒, 辣中會有微酸, 味道仍然是偏重的, 印度菜就是用香料把食物美化成美食吧!
食得印度野, 咖哩真係不可缺少! 點了Chicken Curry咖哩雞, 此雞比烤雞好食, 雞肉是嫩滑的, 而呢個curry一點也不辣, 很香濃的咖哩味, 配合烤餅一齊食, 可以話係相得益彰呀! 烤餅也炸得不錯, 我們兩個人開始有點飽呢, 由於大部份食物都是澱粉質多, 吃得多肚子容易撐個飽飽
最後上檯的Pulao黃飯, 是印度的米飯, 屬乾身及米形係比我地平時食開既米長D, 我覺得撈D咖哩汁一齊食會更加正!
差點唔記得左講下杯野飲, 朋友叫左呢個乳酸(可揀sweety, salty or mango), 呢杯係sweety, 個男店員推介既, 個味係甜甜地, 唔知揀salty, 咸味野飲唔知會係咩味呢...............
我就揀左Masala Tea, 睇個樣有D似港式奶茶, 飲落去都有D似, 但係冇乜奶味既, 一谷歌便知呢個中文名叫印度香料奶茶, 香料味又唔覺得好重, 可以選擇落糖與否既, 呢一餐有刀叉提供, 唔會好似想像中搵手去食咁原汁原味(哈), 食剩左既食物佢地仲好好人問我地駛唔駛拎走, 後尾pack好哂, 有汁同冇汁分開放, 當中亦有幫忙換過碟, 都算幾貼心, 最後埋單, 個男店員仲俾左張宣傳單張我, 話可以下次試下lunch buffet, 中環番工既朋友仔, 可以考慮下呢到, lunch set由$58~68不等, buffet就$88連飲品, 要食傳統印度菜, 相信多左個好選擇啦!! 張貼
