泰廳 (已搬遷) 新店位置

星期六又去左元朗，經過呢間泰廳見佢價錢幾合理所以同入去試下。等了兩分鐘就可以入座。舖頭唔算細，不過都坐滿人。食親泰國野都叫開泰式肉碎生菜包，呢到有辣度揀，第一次食我地揀左少辣。滿滿一大碟肉碎，香辣惹味中帶清爽可口，但份量超多，食唔哂，最後食剩左好多生菜同肉碎。野飲方面叫咗椰青，好青甜，大大個，又有椰青肉食，值得一試。另外叫咗個菠蘿海鮮炒飯，真係有個菠蘿，真材實料，賣相好豐富。好足料，飯同海鮮量十足，配料亦都好有誠意，炒飯有菠蘿、魷魚、提子乾、雜豆，肉鬆同腰果，腰果好脆口，但飯入口有點乾身。小食我地叫咗個皮蛋蝦餅，蝦餅厚身彈牙，熱同脆身，蝦餅帶點不均勻的蝦粒，吃起來較結實，增添咬感，但係皮蛋有啲over，皮蛋控或者可以試下。