居廬 Cafe (已結業)

難得的週末，黎到位於太子的居盧嘆一嘆先。居盧的門口非常富有中國建築的特色，好別緻，環境清幽，好像不是香港一樣。中式環境享受西方餐點，好有 fusion 感。先黎個小食哇～見到都覺得辣的脆炸辣味雞粒配薯條。炸到外面脆卜卜，裏面嫩滑的雞肉粒配又粗又長的薯條，灑上紅噹噹的辣椒粉，未食都已經流晒口水了。將炸雞粒點上泰式酸辣醬，味道就更加豐富，不單只有辣，還有帶一點點酸，非常好吃。而且越食越辣越滋味！蕃茄羅勒馬蘇里拉芝士薄餅超薄超脆薄餅配上新鮮的蕃茄及面頭一層厚厚的芝士，真的非常吸引。芝士燒過非常香，而且食落有少少香料味，應該是羅勒。四樣加埋一齊真係 perfect match，食極都唔夠喉。意大利海鮮飯由蕃茄汁煮的意大利飯，煮得剛剛好，不會太乾太硬，也不會過軟太多汁，非常有咬口，加上不同種類的海鮮，有青口、蜆肉、魷魚⋯⋯等等，真是用料十足，好食！我和朋友也點了兩杯 drinks一杯是凍薄荷朱古力，薄荷令都朱古力沒咁甜同膩，每一口都有清爽的薄荷味，非常好喝！另外就是芒果熱情果凍茶，這兩款水果 mix 埋一齊的味道清爽怡人。這間居盧的食物質素很好，環境又有特色，真的是給我一個非常美好的週末！