影片
更多
2022-12-08
930 瀏覽
Weekend brunch (semi-buffet) $680/pp今次嚟到柏寧酒店頂樓酒吧食中午半自助餐，嚟之前好期待，因為除咗嘢食有口碑，仲有好靚嘅海景睇。book嘅時候冇特別remark話要坐室外，入座嘅時候職員都好好會問我哋想坐室外定係室內。職員同我哋講話室外會比較大風，室內就會近嘢食啲。我哋最後決定坐室內，食之前同埋食到飽就出去打下卡影吓相。$680一個人都貴過好多酒店嘅中午自助餐，所以對佢都幾高期望，我地再加咗$180/pp Prosecco free-flow🍾講頭盤先，餐廳食物區一眼睇哂，唔算好大。生蠔有師傅負責夾俾你，每次兩隻，但勝在唔使排隊。質素中規中矩唔算好大隻，冇乜海水味。沙律吧嘅菜種類好多，本地水耕菜都有。ham同芝士都有幾款，質素中上，好食過多酒店。麵包都有好多款，但係怕飽就冇試晒，淨係試咗個洋蔥包，用燈照住都暖暖哋好香好軟熟。最印象深刻係鴨肝(定唔知鵝肝)醬多士、煙三文魚同醃帶子鴨肝醬好濃味勁香，加埋多士就冇咁漏😆煙三文魚冇乜地方做得好食，唯一食過grand hyatt就好有記憶點呢間嘅煙三文魚做到好似三文魚刺身咁😂冇乜煙熏味，我都唔知叫好定唔好😂我自
今次嚟到柏寧酒店頂樓酒吧食中午半自助餐，嚟之前好期待，因為除咗嘢食有口碑，仲有好靚嘅海景睇。
book嘅時候冇特別remark話要坐室外，入座嘅時候職員都好好會問我哋想坐室外定係室內。職員同我哋講話室外會比較大風，室內就會近嘢食啲。
我哋最後決定坐室內，食之前同埋食到飽就出去打下卡影吓相。
$680一個人都貴過好多酒店嘅中午自助餐，所以對佢都幾高期望，我地再加咗$180/pp Prosecco free-flow🍾
講頭盤先，餐廳食物區一眼睇哂，唔算好大。生蠔有師傅負責夾俾你，每次兩隻，但勝在唔使排隊。質素中規中矩唔算好大隻，冇乜海水味。
沙律吧嘅菜種類好多，本地水耕菜都有。
ham同芝士都有幾款，質素中上，好食過多酒店。
麵包都有好多款，但係怕飽就冇試晒，淨係試咗個洋蔥包，用燈照住都暖暖哋好香好軟熟。
最印象深刻係鴨肝(定唔知鵝肝)醬多士、煙三文魚同醃帶子
鴨肝醬好濃味勁香，加埋多士就冇咁漏😆
煙三文魚冇乜地方做得好食，唯一食過grand hyatt就好有記憶點
呢間嘅煙三文魚做到好似三文魚刺身咁😂
冇乜煙熏味，我都唔知叫好定唔好😂
我自己就食咗幾舊啦🤣
帶子都好新鮮，啲醃汁做得啱啱好，唔會搶咗帶子嘅鮮味。
60 瀏覽
0 讚好
0 留言
以下幾款係嗌嘅，出面冇得拎。
蕃茄湯 - 甜甜酸酸好開胃
虎蝦芝士手工通粉 - 細細碗唔會驚飽，芝士味香濃，通粉煙韌
火腿炸肉丸、燒烤醬 - 最鍾意食炸嘢，炸粉會唔會過厚，但食唔到肉味
香煎鴨肝多士 - 唔知點解覺得出面拎嘅鴨肝醬仲香過呢個煎鴨肝，都係入口即溶，但係冇平時酒店煎完果啲香氣，同埋我都係偏心煎鴨肝配蘋果，多過呢次嘅蛋糕同梨喇
烤腩肉 - 肥瘦層次分明，啖啖肥肉男朋友就好鍾意食🤣
食到咁上下，可以叫佢上主菜😄
我地揀咗烤智利海鱸魚配法式海鮮湯
個魚一啲都唔腥仲好滑，汁就更帶出魚嘅鮮味
烤新⻄蘭羊架
medium rare冇過熟，好嫩口，冇乜記憶點，係正常發揮嘅羊架。
50 瀏覽
0 讚好
0 留言
我同男朋友都覺得呢道嘅野食偏淡味，結果去到食甜品都毫無懸念，唔會好甜。
選擇唔算好多，都係慕絲、芝士蛋糕、泡芙嗰啲。
最特別係牛角包窩夫，出面好少有得食，可能整完喺度擺得耐，比較硬身，而且真係冇乜味，一定要加朱古力醬先好食。
overall都好食嘅，環境好chill，又有海景睇，枱同枱之間距離唔會好近，服務又好，週末放鬆好地方！
張貼
