小甜谷 Dessert Kaffee (已結業)

週末心情靚，怎能夠待在家中？繼兩次到訪小甜谷，已經想吃☆北海道全日早餐☆，跟餐有杯果茶，不甜又清新，仲有果粒咬下，約等左15分鐘早餐先送上，嘩，確實好豐富，最喜歡乜都有點: 有炒蛋、無花果多士兩片、煙肉、腸、番茄、茄汁豆、菇、煙三文魚和沙律菜。講下個黑松露點綴既炒蛋，好香，蛋食到有牛奶味，而且滑，微暖的無花果多士係特別，但是我分不出無花果和提子多士既分別，都一樣好味！煙肉煎得番脆，又不是油淋淋，煎過既腸仔外面層'衣'好正，又不會好鹹，蕃茄就油左少少，茄汁豆不會酸過頭，開胃，菇好juicy, 香味撲鼻！三文魚都新鮮，煙燻味剛好合我味道,沙律菜就稍為乾左d..但還是喜歡這谷既出品，這一次完又要期待下一次