為食龍 (已結業)

主打腐皮壽司同恐龍主題嘅餐廳。環境好令呀！中意恐龍嘅老友應該會幾有feel！腐皮壽司醬同腐皮既味好出！腐皮幾好食，酸酸甜甜又唔膩，比起一般出面死甜既腐皮壽司係唔同層次！叫左七件壽司，綜合二人意見整理如下~強烈推介：灸燒檸汁帶子($36)、柚子胡椒油甘魚蓉($29)、牛油蒜香赤蝦($35) - 好好食！！全部都好香濃！都好食：柚子左口魚($33)、灸燒蟹膏厚燒玉子($32) - 都好食！尤其係柚子左口魚，又有柚子清香又有左口魚嘅油香。蟹膏玉子就建議2者分開食，因為玉子會搶左蟹膏味。不推介 : 明太子芝士蛋黃三文魚($35)，蔥吞拿魚拖羅蓉($34) - 魚味唔特別香。。蒜香醬油炸雞 $89一上枱就勁香，食到停唔到口！脆卜卜又唔太硬，配埋個蒜香醬油，好食呀！特濃芝士雞肉烏冬 $128雞肉稍為唔夠雞味，但好滑！芝士堅係特濃！每啖烏冬都有勁香芝士！奶蓋白玉烏龍 $62白玉似麻糬小丸子，煙煙刃刃咁。店員建議我地將個白玉點一點個奶蓋再食，口感再正啲！飲落好清楚飲到奶蓋同烏龍，幾清香。不過係偏淡嘅，重口味人士就冇咁啱啦！當Tiramisu遇上Affogato $88雪糕可以中和Espresso嘅苦味