越蘆越南牛肉粉

營業中

休息中

同事食過佢嘅外賣讚不絕口,我懷疑真定假?一定要親身去試下。皆因年幾兩年前去食嘅時候覺得佢認真麻麻,一次就夠嗰隻,今日畀個機會佢。lunch time有得攞飛,好快就入座。立即叫個例牌生牛肉河,朋友叫個炸豬扒撈檬,追加個蒸粉包,另外叫咗兩杯三色檸七,全部都好滿意!牛肉片夠嫩河粉又ok,湯底些味鹹,但可以接受。朋友話個豬扒撈檬豬扒夠厚,肉地鬆嫩,檬粉就正常,合格以上。三色檸七,有邊三色?有檸檬青檸咸寧,幾得意喎!味道ok。每人$100,性價比正常,可以翻食。今次經驗推翻之前感受,難得有進步嘅餐廳。