牛響度拌麵

營業中

休息中

估唔到逸東酒店而家開咗個美食廣場，選擇相當多。今日想食碗牛肉麵。沙茶鮮牛拌麵唔錯。濃郁嘅沙茶湯底帶微微香辣味，少少甜中帶鹹。牛肉片切得適中，口感嫩滑，吸曬湯汁嘅香氣，麵條煙煙韌韌，厚度十足，拌麵仲有好多唔同嘅配料。汁煮肥牛湯麵牛骨湯香味濃郁，滑潤口感，好暖胃。肥牛片肉質嫩滑且帶有少許油脂香氣，麵條煮得彈牙，吸收晒湯底濃郁嘅精華。粟米豬肉雲吞雲吞嘅餡料非常實在，再加上清甜嘅粟米，甜味足嗰種，好juicy嘅感覺，薄薄嘅雲吞皮包住。配牛骨湯，味道相當不錯。黃金炸雞球配蜜糖芥茉醬 炸雞大大件，唔算油膩，蜜糖芥末醬甜甜酸酸。白桃冷泡茶加配飲品估唔到不錯，白桃味夠香，茶味平衡適中，味道不甜。