滿漢小館 (已結業)

同班同事放工一齊去食飯，咁岩見到新開張嘅鋪頭，就齊齊去試新野，一入到去就比鋪頭天花上嘅燈飾吸引，冇諗過呢啲普通食店都會花心思係店舖嘅設計上，真係為店舖增添不少色彩，打破呢種傳統食店嘅沉悶，喜歡。😀食物方便，梗係唔少得我最愛嘅小籠包，小籠包皮薄勁多汁，好好味，暫時係我喺沙田區食過最好食嘅，估唔到呢啲小店做得咁出色，有啲喜出望外。😍望落去平平無奇嘅茄子條🍆，又係勁好食，食咗一條會想追住食，呢碟估佢唔到，又係必食。🤤同事們有愛辣嘅人，叫咗水煮魚，我就本身唔太食得辣啦！店主好好，主動提出調教唔太辣，等我都可以有得食，最終勉強都食到😋，見到佢嘅㷄條比平時我見嘅唔同，係闊d厚身d，一食就上癮，魚片份量又大塊又多，平時食幾食好快就冇晒啲魚，呢次大滿足，一路食一路呻鼻水到抵丫。😁食咗辣，梗係要叫番杯凍豆漿啦！叫咗黑豆漿試試，平時只會叫白豆漿，見店舖食物質素都唔錯，又諗住試吓啦！因為平時黑豆漿都係比較稠，口感比較差，估唔到呢度嘅黑豆漿同白豆漿嘅口感一樣，以後想再健康啲，但又唔鍾意黑豆漿嘅稠，呢間就可以滿足晒啦！👍🏻見到其他食客嘅嘢食，我都想試，不過我個肚始終有限，一定會再嚟幫襯，值得推介嘅食店。👍🏻