DK1885 (已結業)

最鐘意越南菜，香口得黎唔會太油膩，知道灣仔有間食北越菜的餐廳，立即同男友黎試試，坐底睇餐牌先認得原來之前有幫襯過幾次新蒲崗舊舖，立即叫老闆介紹幾款菜式先！越南菜有南北之分：北越菜味道較為清淡，吃食材鮮味！香辣香茅爆炒雞腎平時我就唔食雞腎，但老闆極力推薦下就試下，雞腎用左大量香茅炒過，好香口有少少咖哩香味，粒粒雞腎都口感爽脆，感覺唔算好熱氣，食下食下就食晒成碟那種！香辣香葉炒藍貝$168咁o岩有藍貝返左，上枱的時候我覺得好細隻都有ｄ嫌棄，不過食落睇法就唔一樣了，藍貝比大隻的青口更鮮甜，食得出係非常新鮮，少少辣帶出鮮甜。用左好多香葉九層塔和香茅、辣椒，加入魚露一齊炒到入哂味，值得一試！北正宗牛肉湯河($98)份量足夠兩個人食，入面有生熟牛肉、爆漿肉丸、軟嫩牛腩跟金錢肚，湯底係用牛骨煮成，味道清淡得黎帶點牛肉香，比平時的啡黑色湯底明顯不同，河粉爽口生牛肉剛剛好，好好食難得遇上，本來仲想試多幾款，但老闆說兩人份量差不多了，眼看份量不多，但吃完真的剛剛好！成日都覺得新蒲崗好遠，而家o係港島區就方便，可以多ｄ來吃呢～