阿桂老友粉 (已結業)

唔係第一次嚟阿桂食私房菜， 每次來都好有驚喜。 老火燉湯同煎饅頭係每次必食嘅食物 (但因為太好食今晚唔記得影相)。至於海鮮，大廚會買當日最新鮮嘅海鮮煮畀我哋食。 今晚我哋就有上湯焗龍蝦伊麵，炒聖子皇，龍躉球西蘭花， 薑蔥炒蟹 ，大廚煮海鮮嘅火喉真係啱啱好值得一讚。 另外仲有糖醋骨同口水雞，口水雞肉質好嫩好入味，麻辣度適中。 糖醋骨亦炸得通透唔乾身。 毫無疑問呢度係一間隱世好味嘅食堂， 我會真心推介俾朋友。