M3 Italian (已結業)

有車後的第一個周未終於可以揸車試下去一d平時去唔到既地方，搵到沙田圍入面呢間意大利餐廳，裝修都好新淨，用上紅白格仔台布另有一番風味。每枱都有附送餐包，蘸上橄欖油和黑醋絕對係指定動作芝士青口,青口都幾大隻，肉質新鮮肥美，搭上芝士汁味道夠晒香，味道濃郁仲有淡淡忌廉味。海鮮Pizza手工即制Pizza，店員誠意推介新出的海鮮Pizza，脆口之餘每塊都有足夠既涵料，有大蝦同墨魚，配上香草醬汁，有一種好清新既既感覺係口腔盤旋，唔會同出面d Pizza食一塊就已經食滯。 海鮮意大利飯價錢很化算而且配料十足，有青口，大蝦，帶子等多種海鮮，味道有d似葡汁雞皇既感覺，濃稠程度剛剛好，米飯軟中帶硬，突顯意大利飯的精髓。西班牙乳豬外皮香脆可口，而肉質嫩滑，仲保留住肉汁，另外配上薯蓉同酸菜絲，可以減輕油膩感，但絕對令你想不停擺入口，非常美味。原來唔係市區都可以有一間有質素嘅餐廳，而且價錢又合理，期待下次再黎食過。