滿記甜品 (已搬遷) 新店位置

同朋友遊車河入咗西貢， 又到食糖水時間， 糖水嚟講呢近近地就去咗滿記（因為對面有位泊車）。 望一望餐牌， 有好多選擇嘅， 但近排對椰汁紫米露上咗癮，又有我鍾意食芋圓， 就決定要呢個再加多一球雲呢拿雪糕。等左唔使30秒就送上枱，夠雪糕就有少少細， 椰汁紫米露嘅椰汁都好香， 紫米就唔夠多，芋圓非常之有咬口， 好食。 朋友就叫咗楊枝甘露涼粉，佢話味道普通喎！埋單92蚊， 個人來講呢就覺得有少少貴。用呢個價錢，其實有好多好高質素嘅糖水可以選擇。