Chill 輕食300kcal

營業中

休息中

主打只有300卡路里嘅午餐便當，健康之餘組合豐富。店員先介紹餐牌，然後選擇凍或熱嘅排毒茶，再自選一款蛋白杯，再食沙律同主食。本來擔心健康嘢會淡而無味，唔啱自己口味，但今日兩款都比我預期中好食😛 係可以encore嘅餐廳!!蛋白杯高營養、高纖低卡，今次試咗咖啡同期間限定嘅薑餅口味，感覺不甜膩，有一定飽肚感。蜜汁素叉燒紅米飯素叉燒出奇地覺得好味，夠晒香口，唔會比肉類失色。紅米飯粒粒分明，口感有嚼勁，好食不過飽肚感再勁啲。黑松露滑蛋大蝦蕎麥麵黑松露味自然，滑蛋配搭蕎麥麵好夾，估唔到健康同好食可以兼備。