客家好廚 (已結業)

已有一段時間無去過"客家好廚"啦, 今朝突然唸起就決定今晚再去食下晚飯, 無黎一排, 依然滿座, 但已不見昔日大排長龍情況, 相信係金融海嘯的威力對酒樓打擊都十分大............我以前都係從事飲食業, 眼見全城因為海嘯紛紛推出$1食物, 雖然$1係好, 但又可以做幾耐呢? 我認為..長期都係要靠出品好, 價錢經濟實惠姐......呢間"客家好廚"無$1食物, 但就睇得出佢地好堅持出品的穩定性, 每次黎食飯都絕對唔會失望, 伙計招呼依然勤快有禮, 我唸金融海嘯無吹到佢地陣腳大亂..............當晚我地叫左個$88孖寶餐, 有條黃立倉同瑤柱甫, 水準依然好! (2) 例湯--無味精, 有肉味係真材實料先有呢啖湯, (3) 梅菜扣肉--每次黎親都必叫既, 好唔好食你地知啦... (4) 鹽焗雞--好滑, 配沙薑粉一流! 埋單都係$3xx , 抵食!!