龍袍

營業中

休息中

朋友介紹話幾好味，於是預早一個月前係Open Rice訂枱食團年飯，結果係年三十晚前6日收到餐廳來電，態度十分之差，電話內容大致「大時大節，我哋點會接受Open Rice網上預訂啊小姐，總之而家就冇枱俾你㗎喇，我哋啲枱不知幾緊張」。當時真係亂晒陣腳，臨時臨急我都唔知去邊度搵餐廳。個職員不斷嘗試收線，又話寫字樓搞錯咗，唔關佢事。我強烈要求寫字樓覆返電話俾我，好彩佢哋第二日真係有人覆我，態度仲好咗好多，話已經諗咗辦法，安排到張枱俾我，不過我要入錢留枱，咁我都明白，即刻入咗錢俾佢哋。食物質素幾好，地方都舒適，但出現漏單情況，追咗4次先至有得食，不過大時大節，都明白嘅，可以接受。