影片
更多
2017-07-14
572 瀏覽
開左之後一直想試，其實我一直誤會以為地鐵站哩間係唐記包點，無仔細睇就會誤會， 但都係同一集團，點解同集團賣同類貨要兩間唔同名，當然生意上有好多技巧野，唔多講，講返食物。今次係家人買返黎的，佢話已經pack 定放在保溫櫃，店員只需入袋，而且無咩客，購買過程超快。由於我一直誤會以為係<唐記包點>，所以一見到包裝都嚇一跳，做咩精美左咁多，包裝睇到有啲Design，偏時尚簡約，睇黎想打年青人市場，但我一路打開拎食物出嚟過程，越拆越覺得唔妥。佢個飯係叮飯膠盒再仲加個隔熱紙套，而個包仲誇張，首先本身個包已經好似老麥咁包左外紙，仲有貼埋貼紙，然後再幫你另入紙袋，覺得絕對過度包裝。排骨飯一打開眼見都有好多件排骨，但件件都好細無咩肉，全部都無咩味，但有啲又好咸，個飯飯粒偏硬，有啲似糯米飯，同平時食到既叮飯無分別，到最後排骨唔夠餸飯另外個菜肉包，個包外形好完美無缺，望落覺得感覺有啲假，包質感偏向硬同實，未去啖啖肉，但包同肉既比例係合格，不過個涵又係得咸味。整體都係叮叮食物質素，唐記包點好食過佢，但如果我要食叮叮食物可以有好多其他選擇。現在流行環保，遲啲掉垃圾仲要徵費，行快餐路線但過度包裝對
今次係家人買返黎的，佢話已經pack 定放在保溫櫃，店員只需入袋，而且無咩客，購買過程超快。
由於我一直誤會以為係<唐記包點>，所以一見到包裝都嚇一跳，做咩精美左咁多，包裝睇到有啲Design，偏時尚簡約，睇黎想打年青人市場，但我一路打開拎食物出嚟過程，越拆越覺得唔妥。佢個飯係叮飯膠盒再仲加個隔熱紙套，而個包仲誇張，首先本身個包已經好似老麥咁包左外紙，仲有貼埋貼紙，然後再幫你另入紙袋，覺得絕對過度包裝。
排骨飯一打開眼見都有好多件排骨，但件件都好細無咩肉，全部都無咩味，但有啲又好咸，個飯飯粒偏硬，有啲似糯米飯，同平時食到既叮飯無分別，到最後排骨唔夠餸飯
另外個菜肉包，個包外形好完美無缺，望落覺得感覺有啲假，包質感偏向硬同實，未去啖啖肉，但包同肉既比例係合格，不過個涵又係得咸味。
整體都係叮叮食物質素，唐記包點好食過佢，但如果我要食叮叮食物可以有好多其他選擇。
現在流行環保，遲啲掉垃圾仲要徵費，行快餐路線但過度包裝對食家又唔方便，再者始終食物質素先係首要條件，整體上我應該唔會再幫襯喇，我寧願幫襯返本地集團/小店。
張貼
