鐵板燒 (已結業)

颱風過後，雪櫃並無太多存貨，於是倆口子到了太古城搵食。太太先前已想試試這間鐵板燒，今次路過見只有幾個人等位，便去試試。食品主要靠黑椒同食鹽，再加獨沽一味o既黑椒汁調味。廚師話冇其他汁可以揀。叫o左肉眼同魷魚，牛肉肉質都可以，以 $88 計算係咁，而且切成細粒都易入口。魷魚就另有蒜粒一齊，味道合格啦。芽菜因為佢一次過炒，見到其他食客o既有o的變焦，火候唔算 100 分，而鹽亦落得唔夠平均，同時芽菜尾o既根冇切走，賣相方面要扣分。總括而言，呢個價錢都過得去，但要再去幫趁，真係要諗個理由。