丸十日本食堂 (已結業)

上星期去飲嘢，諗住叫枝清酒飲吓，餐牌上有好多款，但最終都係得兩款選擇，叫咗枝獺祭飲啦，飲第一杯時都覺得啲味同平時飲開嘅唔同，以為未夠凍啦，隔多一陣飲第二杯，真係怪怪哋喎，於是乎攞枝酒睇吓，嘩！枝酒制造日期係2018年囉。於是叫個類似嘅經理同佢講啦，睇吓有冇第枝換，佢竟然話全部都係2018年制造嘅酒🫣。佢要求自己試吓枝酒，我俾佢試，佢話冇問題喎。但係成枝酒都變哂味啦。清酒一般制造年份一年內就要飲，但呢枝係五年囉。雖然佢哋有取消枝酒，但係佢哋都真係要check 吓啲貨囉。