沐白小農 (已結業)

今日去左元朗搵朋友食飯，佢話要介紹間正野俾我原來係呢間台灣過江龍！黎到門口已經見倒有大大塊版推介唔同飲品，除左有大熱既黑糖珍珠奶茶，仲有唔同茶飲比較少見既豆乳飲品都有！店鋪左邊有一大塊白色既牆，岩哂俾大家打卡🤣必飲既一定係沐白黑糖波霸鮮奶，鮮奶配襯住掛杯既黑糖漿，好靚啊拎上手仲feel倒啲珍珠係暖架！珍珠咬落好煙韌好濃黑糖味，甜度預先調較好但並無過甜！另一杯係我至愛既芋頭飲品，大甲芋頭鮮奶，我好煩驚凍飲太凍熱飲太熱😂店員好細心咁幫我叫左去冰。睇個杯都知有一半都係芋頭蓉可以食到磨碎左既芋頭粒，唔會太甜！最後仲要左杯甘蔗青茶，飲落味道好天然，好清新！夏天飲一定好解渴不過暫時只係得元朗同荃灣有分店，希望快啲開出旺角咁可以方便啲有得飲