影片
更多
2021-04-05
113 瀏覽
呢間洪師父係由台灣過嚟既分店，咁啱撞正係無得去台灣旅行，就食返餐台灣嘢解一解旅行癮啦～見佢新推出款叫「藤椒半筋牛肉麵」，咁就叫左一碗試試佢，另外一碗就叫左「獨當一麵」，加多杯Oreo朱古力奶昔～一開始店員遞上左茶同一兜蔥同酸菜，呢樣係細心嘅，因為有啲人係唔食蔥同酸菜既，鐘意食既就可以自己落，唔食既又唔洗特登叫佢走蔥喇～先上藤椒半筋牛肉麵，叫左幼麵，個湯底聞落都算香，飲落第一啖湯個麻既味道好足，亦唔會太辣。而麵既口感都唔錯，唔會太淋或太硬。至於牛肉方面牛筋算淋，但牛肉就有小小韌同小小痴牙。而個獨當一面就叫左粗麵，味道都唔錯，但係佢切牛肉既方法係一舊舊而唔係一片片，所以個人感覺上會覺得比較韌，但有啲人就鐘意牛肉切成一舊舊既口感，呢方面就好睇個人喜好啦～至於杯Oreo朱古力奶昔呢，朱古力味就唔夠濃，雖然有灑啲Oreo碎係杯面，但飲落發覺係沙冰黎，口感就無想像中似奶昔咁滑～最後總共計埋加一食左$238，整體嚟講都唔算太差，不過味道無乜話好有驚喜，同埋要加一既話就感覺上有小小唔抵啦😅😅
見佢新推出款叫「藤椒半筋牛肉麵」，咁就叫左一碗試試佢，另外一碗就叫左「獨當一麵」，加多杯Oreo朱古力奶昔～
一開始店員遞上左茶同一兜蔥同酸菜，呢樣係細心嘅，因為有啲人係唔食蔥同酸菜既，鐘意食既就可以自己落，唔食既又唔洗特登叫佢走蔥喇～
先上藤椒半筋牛肉麵，叫左幼麵，個湯底聞落都算香，飲落第一啖湯個麻既味道好足，亦唔會太辣。而麵既口感都唔錯，唔會太淋或太硬。至於牛肉方面牛筋算淋，但牛肉就有小小韌同小小痴牙。
而個獨當一面就叫左粗麵，味道都唔錯，但係佢切牛肉既方法係一舊舊而唔係一片片，所以個人感覺上會覺得比較韌，但有啲人就鐘意牛肉切成一舊舊既口感，呢方面就好睇個人喜好啦～
至於杯Oreo朱古力奶昔呢，朱古力味就唔夠濃，雖然有灑啲Oreo碎係杯面，但飲落發覺係沙冰黎，口感就無想像中似奶昔咁滑～
最後總共計埋加一食左$238，整體嚟講都唔算太差，不過味道無乜話好有驚喜，同埋要加一既話就感覺上有小小唔抵啦😅😅
張貼
