影片
更多
2022-06-26
1712 瀏覽
💎總評分：7.0/10-呢間日本過江龍拉麵登陸香港時成為熱話，人稱「死神拉麵」因為推出左地獄級辣度。插旗幾年平日門口都會排長龍，今日竟然唔使排隊就入去食碗麵。店內環境昏暗，好多鬼怪裝飾match反店名「鬼金棒」，舖面比想像中大，有吧枱同四人座，完全無壓迫感。Menu簡而精，除左拉麵竟然仲有肉飯，但係就無餃子或其他小食，最多俾你加配料，特別之處係湯底「麻」同「辣」嘅程度係可以分開自定，唔食得辣嘅朋友㨂走辣就OK啦！1️⃣ 增量叉燒X2辣麻味噌拉麵 $130 增量叉燒果然係份量十足，兩大舊厚切叉燒超級入味，質感夠淋，清楚見到肉嘅層次分明，半瘦半肥，怕肥嘅人可以切走面層肥膏，但識食一定係成啖咬落去至係頂級享受。湯底揀左中辣中麻，接受得到嘅辣勁，食到中間可能會微微出汗。拉麵較粗身，OK彈牙但最緊要夠掛湯！若然其他款加配增量叉燒需額外＋$35，呢碗仲要包埋味玉，感覺最抵食。2️⃣ 玉米筍辣麻味噌拉麵 $110本來D玉米筍就多到成座山咁，小編仲加左味玉($15)同芽菜($15)，賣相更加澎湃，配料多到蓋滿成個碗睇唔到D麵。值得留意嘅係，呢舊叉燒係正常size，係就係細舊D，但更加突顯出第一碗嘅「增量」係「
-
呢間日本過江龍拉麵登陸香港時成為熱話，人稱「死神拉麵」因為推出左地獄級辣度。插旗幾年平日門口都會排長龍，今日竟然唔使排隊就入去食碗麵。店內環境昏暗，好多鬼怪裝飾match反店名「鬼金棒」，舖面比想像中大，有吧枱同四人座，完全無壓迫感。Menu簡而精，除左拉麵竟然仲有肉飯，但係就無餃子或其他小食，最多俾你加配料，特別之處係湯底「麻」同「辣」嘅程度係可以分開自定，唔食得辣嘅朋友㨂走辣就OK啦！
1️⃣ 增量叉燒X2辣麻味噌拉麵 $130 增量叉燒果然係份量十足，兩大舊厚切叉燒超級入味，質感夠淋，清楚見到肉嘅層次分明，半瘦半肥，怕肥嘅人可以切走面層肥膏，但識食一定係成啖咬落去至係頂級享受。湯底揀左中辣中麻，接受得到嘅辣勁，食到中間可能會微微出汗。拉麵較粗身，OK彈牙但最緊要夠掛湯！若然其他款加配增量叉燒需額外＋$35，呢碗仲要包埋味玉，感覺最抵食。
增量叉燒X2辣麻味噌拉麵
$130
40 瀏覽
0 讚好
0 留言
本來D玉米筍就多到成座山咁，小編仲加左味玉($15)同芽菜($15)，賣相更加澎湃，配料多到蓋滿成個碗睇唔到D麵。值得留意嘅係，呢舊叉燒係正常size，係就係細舊D，但更加突顯出第一碗嘅「增量」係「真增」！辣度今次㨂左大辣小麻，對寶貝嚟講太辣，但係小編諗住下次挑戰鬼辣！唔知係咪辣度嘅分別，湯底有啲似加咗花生麻醬，比較杰身少湯，有啲似食緊沾麵。玉米筍同芽菜都爽口掛湯，吸左湯底嘅精華極度惹味。味玉做到超級溏心，咬開一半即見蛋黃流出，十分高質，係必加嘅配料！
玉米筍辣麻味噌拉麵
$110
33 瀏覽
0 讚好
0 留言
某些時間前都review過另一間尖沙咀嘅拉麵店，兩間質素都高但對比下，鬼金棒嘅湯底、叉燒、味玉都出勝，可能因為小編鐘意食辣又愛蛋，而叉燒無論係quality & quantity都正，所以會推介大家去試！-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐
題外話/補充資料：
🚗 今次小編好彩，金馬倫道揾到個位，泊正喺店門前，間接因為咁入去左食。
(以上食評乃用戶個人意見 , 並不代表OpenRice之觀點。)
張貼
