影片
更多
2024-03-12
145 瀏覽
有事要嚟尖沙咀辦，搞掂就順便喺附近食埋晏先走。心血來潮想食泰菜，醒起海港城入面嗰間泰國過江龍「Nara Thai Cuisine」。餐廳主打泰式船麵同新派泰菜，喺曼谷曾經連續 10 年榮獲泰國品味生活雜誌《Thailand Tatler》讀者票選為「最佳泰國食府」，相當巴閉。我哋揀咗個窗口位，餐廳環境好 chill，裝潢雅致，氣氛輕鬆，加上坐擁 180 度無敵維港海景，視野極佳，真係令人賞心悅目！餐廳午市有套餐供應，定價由 $138-$168 不等，包沙律、餐湯、主菜及飲品。沙律味道好清新，內有扎肉、菠蘿同車厘茄。冬蔭功湯辣味夠、味道濃；雜菌湯稠杰不稀，內有脆脆麵包粒。泰式海南雞飯 ($148) 海南雞皮薄肉滑，啖啖肉又冇骨，食落好有雞味。油飯亦係心機之作，入口香而不膩，配埋泰式醬汁，酸酸辣辣，好開胃。泰式雜菜炒河 ($138) 河粉好煙韌，雜菜份量十足，有娃娃菜、雜菌、紅蘿蔔、西蘭花同粟米仔，配埋旁邊嘅砂糖、辣椒粒同青檸汁一齊食，更添風味。跟餐飲品點咗即磨咖啡 同 荔枝玫瑰梳打 (+$28)，咖啡濃香順滑、梳打帶淡淡玫瑰花香，味道唔錯。
有事要嚟尖沙咀辦，搞掂就順便喺附近食埋晏先走。心血來潮想食泰菜，醒起海港城入面嗰間泰國過江龍「Nara Thai Cuisine」。
餐廳主打泰式船麵同新派泰菜，喺曼谷曾經連續 10 年榮獲泰國品味生活雜誌《Thailand Tatler》讀者票選為「最佳泰國食府」，相當巴閉。
我哋揀咗個窗口位，餐廳環境好 chill，裝潢雅致，氣氛輕鬆，加上坐擁 180 度無敵維港海景，視野極佳，真係令人賞心悅目！
餐廳午市有套餐供應，定價由 $138-$168 不等，包沙律、餐湯、主菜及飲品。沙律味道好清新，內有扎肉、菠蘿同車厘茄。冬蔭功湯辣味夠、味道濃；雜菌湯稠杰不稀，內有脆脆麵包粒。
泰式海南雞飯 ($148) 海南雞皮薄肉滑，啖啖肉又冇骨，食落好有雞味。油飯亦係心機之作，入口香而不膩，配埋泰式醬汁，酸酸辣辣，好開胃。
泰式雜菜炒河 ($138) 河粉好煙韌，雜菜份量十足，有娃娃菜、雜菌、紅蘿蔔、西蘭花同粟米仔，配埋旁邊嘅砂糖、辣椒粒同青檸汁一齊食，更添風味。
跟餐飲品點咗即磨咖啡 同 荔枝玫瑰梳打 (+$28)，咖啡濃香順滑、梳打帶淡淡玫瑰花香，味道唔錯。
張貼
